في لحظة ضعف قاسية، بنت شابة اسمها بسنت سليمان أنهت حيــ...ــــاتها بطريقة صادمة… لايف على #السوشيال ميديا، ومن الدور الـ13 في #الإسكندرية 💔
القصة مش بس خبر… دي وجع إنسانة وصلت لمرحلة حست فيها إن مفيش مخرج، وإن الدنيا قفلت في وشها من كل ناحية.
بس الحقيقة اللي لازم نفتكرها دايمًا:
مهما الدنيا ضاقت… ربنا لسه موجود
رب السماوات والأرض… اللي بإيده الفرج حتى لو إحنا شايفينه مستحيل
إحنا مش هنا عشان نيأس… ولا نستسلم
إحنا هنا عشان نقول "يا رب" من قلبنا
هو اللي بيجبر الخاطر… ويداوي الكسر… ويسمع حتى الصوت اللي مستخبي جوانا
ربنا أقرب لينا من روحنا…
وأحن علينا من نفسنا…
طب ليه نوجع نفسنا، وفيه رب رحمته وسعت كل حاجة؟
الوجع مهما كان تقيل… له نهاية
والليل مهما طال… الفجر جاي
بس اصبر… وقول: "يا رب"
اللي حصل في لايف البلوجر بسنت في #اسكندرية مليان وجع قلوب ناس كتير… خصوصًا لما نعرف إنها فتحت لايف وحكت كل اللي جواها، وآخر كلام قالته كان مليان ألم وانكسار…
#البلوجر #بسنت
بس قبل ما نحكم… أو نوجه اتهامات… لازم نفتكر إن كل حكاية فيها تفاصيل إحنا منعرفهاش
والأهم من اللوم… إننا نتعلم نكون أحن على بعض
ما نكسرش حد… ما نضغطش على حد… ما نستهونش بوجع حد
ربنا يرحمها، ويغفر لها، ويجعل وجعها شفاعة ليها 🤍
ويصبر قلب كل حد موجوع…
ولو حد حاسس إنه لوحده… صدقني مش لوحدك
اتكلم… اطلب مساعدة… وقول "يا رب"… هتلاقي باب بيتفتح ❤️
أجهزة الأمن شغالة وهتكشف كل ملابسات الواقعة
.jpeg)
ليست هناك تعليقات:
إرسال تعليق